農耕記 湖南土菜 (新寶廣場)

营业中

休息中

之前听同事讲过返大陆有好多好野食，而农耕菜就系其中一间。 我冇返大陆食过，但冇谂到原来而家竟然开到黎香港，咁就即管去试下。 黎到佐敦呢间农耕菜，都几大间，门口又好大，个布置几靓，好多乡下既原素。坐底冇耐，已经陆陆续续好多客人入黎，果然好受欢迎。 本身佢自家配既蜜桃茉莉花茶已经好香，跟住再试左佢地招牌既冻柠檬茶，超大杯不特只，仲真系好好饮，佢地自已特制既真系香好多。 跟住就叫左几个菜，青椒炒腊肉，虽然系叫正常，都有啲辣，好野味。 而且佢既腊肉真系有乡下既风味，切得又薄，真系犀利。雪豆酸菜肉茉好清爽，都有啲辣，配饭食最正。香椿炒蛋系真系唔辣既𩠌，炒得有啲碎，但就系家乡既特色，椿都好脆。 最后食埋佢地有趣既糍粑油条甜品，好新奇，炸得好脆，上而仲有黑芝麻糖粉，唔会好糖又解辣。 果然系好食。