傲嚐 (已結業)

难得一家都可以星期六放假唔约人，我地就一早订咗枱来试下呢间系工厂大厦的私房菜。咁我地一早话比老板听我地想食乜野海鲜，大约预几多钱一个人，其实佢地都唔平架，最低消费$250一位。由于我地有人要食龙虾，所以特别订了龙虾伊面，佢的味道唔错，龙虾都好大只，好多肉，个面唔系好溜，唔会搞到你食唔到其他野。其实佢地都唔错帮你食菜都好周道，有汤有菜有鱼有肉，做到饮食均衡。个汤系螺头汤，好清甜有鲜味，最紧要系足料，有鸡脚，有猪骨，味道非常好。其他的海鲜菜式用料好新鲜，一定唔会系次货，不得不提就系条鱼，蒸鱼要讲时间，蒸得太耐会老，今次佢地蒸到条鱼刚刚好，鱼肉好鲜嫩，劲！仲有个花雕蛋白蒸蟹，个蟹好鲜甜，无比花雕的味盖过蟹味，而个花雕的味系个蛋白到出晒来，真系好神奇。但系美中不足个霸皇鲜鸡，煮得有啲老，仲有系太大只，由其是当你食咗7个𩠌之后，就有啲食唔落咁大只鸡（只鸡仲大过条鱼）。好彩无叫饭同面，唔系都唔知点算。呢到系个一大班敍下的好地方，下次都会同朋友再来。