Star Kitchen (已結業)

见到间好有特色嘅餐厅，停低睇一睇，见到啲菜式仲特别，就入去试下。爱尔兰传统香酥鸭 (套餐)，个套餐包括餐汤、沙律、主菜、餐饮、甜品。餐汤系忌廉蕃茄汤，味道酸酸甜甜，好香蕃茄味，虽然细细碗但系好好饮。沙律系好似一般田园沙律咁样，再配一个日式胡蔴酱，食出啲沙律菜好新鲜好爽脆。爱尔兰传统香酥鸭，就系手撕鸭肉丝，仲有配菜喺生菜、红萝白丝、青瓜丝，食法就系将鸭肉丝放落生菜度，再放入红萝白丝、青瓜丝，再放少少甜酱跟住食，味道好丰富，好似片皮鸭咁食但又唔会有片皮鸭咁腻，又香口又清新。甜品系有桃喺里面嘅芒果布甸。我拣嘅餐饮系冻柠檬茶。