星巴克咖啡 (已結業)

装修好特别嘅starbucks𠮶日抽完血，谂住行去旺角东地铁站，点知行咗一半都唔够，就突然全身冇力，见到附近得间starbucks就拿拿临行上去。楼梯位置已经好特别，写咗好多嘢，好有年代感，不过攰得滞，冇留意写咗啲咩。上到去见人唔多，有位，好感动。因为担心自己会唔舒服，所以叫咗牛角包再加杯咖啡，coffee of the day，牛角包会主动帮我加热，热咗之后都好脆，几好味。至于咖啡，会问加唔加奶或者糖，我拣咗加奶，佢哋好好咁会问埋加冻奶定热奶🥰最开心系人唔多又有半个钟wifi，可以好好休息下。之后有力影咗啲相，因为唔小心去咗一间咁有特色嘅星巴克，梗系要影相留念。