影片
更多
2023-07-31
33 浏览
2023年7月3日 星期一今日同老婆一齐早左收工，所以出到去尖沙咀行下街顺便拍拖食饭，去左金马伦广场既一间餐厅食，见网上面评价唔错就预先book左位，所以一去到就可以即刻入座，兼且坐bar台位可以睇住师傅整野食我哋每人都点左一个$998既一人铁板烧set，里面有齐前菜、刺身、主菜铁板烧同甜品一共十二道菜，唔需要谂拣食乜又肯定食得饱一点完菜首先黎到既系沙律同前菜三小点，分别上面系海葡萄沙律，而下面由左边就系鲍鱼、日本麻酱豆腐同腌青瓜，沙律食落去好清新，海葡萄脆卜卜，至于麻酱豆腐同腌青瓜就酸酸甜甜几开胃跟住有时令生蚝，配有少少酸汁同埋黑鱼籽，十分新鲜，蚝肉好饱满，一啲都食唔到腥味，配埋酸汁同黑鱼籽更加夹，更突显蚝肉嘅味道之后有刺身，分别系油甘鱼、赤身同牡丹虾，全部都好新鲜，无雪藏味，赤身入口即融，可以媲美拖罗，而牡丹虾既虾肉就好弹牙，有咬口跟住有茶碗蒸配黑松露油同鲣鱼汁，蛋蒸得好滑溜，上面仲有少少三文鱼籽带点咸香，无谂到蒸蛋配黑松露油都几夹，黑松露味唔算太出抢左蛋香再黎有南非鲍鱼配鲣鱼汁， 鲍鱼同昆布一齐食会更加鲜味， 鲍鱼都好有咬口，而上面放住鲍鱼既牙齿同肝脏，谂都谂唔到可以煮埋黎食，真
今日同老婆一齐早左收工，所以出到去尖沙咀行下街顺便拍拖食饭，去左金马伦广场既一间餐厅食，见网上面评价唔错就预先book左位，所以一去到就可以即刻入座，兼且坐bar台位可以睇住师傅整野食
我哋每人都点左一个$998既一人铁板烧set，里面有齐前菜、刺身、主菜铁板烧同甜品一共十二道菜，唔需要谂拣食乜又肯定食得饱
一点完菜首先黎到既系沙律同前菜三小点，分别上面系海葡萄沙律，而下面由左边就系鲍鱼、日本麻酱豆腐同腌青瓜，沙律食落去好清新，海葡萄脆卜卜，至于麻酱豆腐同腌青瓜就酸酸甜甜几开胃
跟住有时令生蚝，配有少少酸汁同埋黑鱼籽，十分新鲜，蚝肉好饱满，一啲都食唔到腥味，配埋酸汁同黑鱼籽更加夹，更突显蚝肉嘅味道
之后有刺身，分别系油甘鱼、赤身同牡丹虾，全部都好新鲜，无雪藏味，赤身入口即融，可以媲美拖罗，而牡丹虾既虾肉就好弹牙，有咬口
跟住有茶碗蒸配黑松露油同鲣鱼汁，蛋蒸得好滑溜，上面仲有少少三文鱼籽带点咸香，无谂到蒸蛋配黑松露油都几夹，黑松露味唔算太出抢左蛋香
再黎有南非鲍鱼配鲣鱼汁， 鲍鱼同昆布一齐食会更加鲜味， 鲍鱼都好有咬口，而上面放住鲍鱼既牙齿同肝脏，谂都谂唔到可以煮埋黎食，真系第一次，口感好特别，牙齿脆脆地好似食紧猪软骨咁，肝脏就比较腍但完全食唔到腥味
呢个系银鳕鱼配上白蚬汁，而银鳕鱼上面仲铺有法国炖菜，感觉似fusion菜式，鱼肉好嫩滑，吸收晒酱汁既味道，炖菜煮得好入味，同鱼肉既味道平衡得岩岩好
呢一道系帝王虎虾，用左虾头虾壳嘅膏整成嘅酱汁，摆盘已经好靓，师傅还原返成只虾出嚟，每一啖都食到酱汁同虾肉，超浓郁嘅虾味，而且虾肉好弹牙，感觉似系食紧龙虾咁
之后仲有美国安格斯牛柳，近蒜片果边比较腍，完全无筋，而且蔬菜落左黑松露油，味道好足够，食完牛柳之后再食蔬菜会冇咁油腻
然后系鹿儿岛黑毛猪肩，师傅唔会整到过熟，中间嘅肉仍然见到有些少粉红色，所以好腍又充满肉汁，加埋上面嘅酱汁一齐食，简直系一流
冇谂过之后仲会有汤同炒饭，炒饭里面加左白饭鱼、鲣鱼干同樱花虾，而最特别就系当中竟然仲有酸梅酱同梅子酱，完全冇谂过可以同炒饭捞埋一齐，味道酸酸地几开胃，全部食材加埋都几夹，师傅仲话食到一半之后可以落鲣鱼汤同wasabi变成茶渍饭，咁就有两种食法，真系好特别
甜品就有豆腐雪糕配脆脆同朱古力酱，豆腐味几出，食落唔会太甜，作为甜品啱啱好，可以解去刚才食物嘅油腻感
埋单每人一千蚊左右，性价比几高，真系食到好饱！！
张贴
