影片
更多
2020-12-12
558 浏览
正所谓秋风起，三蛇肥，眼见港岛食蛇嘅地方买少见少，于是就衬天气寒寒地，走去试下！地点：虽然第一街唔系一啲大街，但佢系正西营盘港铁站出口斜对面，地点好方便环境：舖头唔算大，普通小店嘅模式，餐厅光鲜干净，而且用上折台圆櫈，极具香港本土气息！食物质素：叫左一个皇牌蛇套餐，入面系所有蛇舖嘅招牌食品，有一碗五蛇羹、五蛇汤同埋单肠糯米饭，另外仲叫左一份鸡脾。以前去啲无乜诚意嘅蛇舖都系配料多过蛇肉，食落去成碗碗仔翅咁，但蛇王海嘅呢碗五蛇羹，真系足料到不得了！蛇肉仲多过其他料，火喉又好足够，而且蛇肉又唔会煮得太老太淋，食落好有口感。味道方面啱啱好，唔洗落胡椒粉同醋都无问题！再加多少少香气扑鼻嘅柠檬叶，甘香味更能带出蛇羹嘅味道！再加入无限量供应嘅香口脆片，吸晒浓郁嘅蛇羹味，真系好满足！初初以为五蛇汤应该无乜特别，点知原来佢地煲嘅汤都好浓郁而且全无落味精！味道方面会有少少中药味，但又会带少少香甜嘅味道，饮完之后成个人都暖粒粒糯米饭嘅份量相对较细，但食完蛇羹同羹汤之后都已经七成饱，糯米饭水准系average以上，润肠外皮好脆，咬完入面嘅油份流晒出黎，但又唔会有好肥腻感觉，好满足！服务：以前蛇舖比我感觉系啲上
地点：虽然第一街唔系一啲大街，但佢系正西营盘港铁站出口斜对面，地点好方便
环境：舖头唔算大，普通小店嘅模式，餐厅光鲜干净，而且用上折台圆櫈，极具香港本土气息！
食物质素：叫左一个皇牌蛇套餐，入面系所有蛇舖嘅招牌食品，有一碗五蛇羹、五蛇汤同埋单肠糯米饭，另外仲叫左一份鸡脾。
以前去啲无乜诚意嘅蛇舖都系配料多过蛇肉，食落去成碗碗仔翅咁，但蛇王海嘅呢碗五蛇羹，真系足料到不得了！蛇肉仲多过其他料，火喉又好足够，而且蛇肉又唔会煮得太老太淋，食落好有口感。味道方面啱啱好，唔洗落胡椒粉同醋都无问题！再加多少少香气扑鼻嘅柠檬叶，甘香味更能带出蛇羹嘅味道！再加入无限量供应嘅香口脆片，吸晒浓郁嘅蛇羹味，真系好满足！
初初以为五蛇汤应该无乜特别，点知原来佢地煲嘅汤都好浓郁而且全无落味精！味道方面会有少少中药味，但又会带少少香甜嘅味道，饮完之后成个人都暖粒粒
糯米饭嘅份量相对较细，但食完蛇羹同羹汤之后都已经七成饱，糯米饭水准系average以上，润肠外皮好脆，咬完入面嘅油份流晒出黎，但又唔会有好肥腻感觉，好满足！
服务：以前蛇舖比我感觉系啲上左年纪嘅叔叔姨姨开，但店入面嘅人都系后生仔女！感觉当堂有活力左好多！佢地都好热情咁问我地有咩需要，而且又好有耐性同埋满面笑容，唔会因为人多而感到唔耐烦。就好似同友人食晒佢成盒脆脆，佢都笑住帮我地refill，之后又成日问我洗唔洗再添😂
又会好热诚咁介绍佢地嘅产品比我地，例如炖汤同埋撚手浸鸡，所以绝对会再番黎帮衬！
价钱：唔洗一百蚊已经食到成个全餐，仲要咁高水准，睇落好似唔系好多野食咁，但最后饱到上心口，个人暖粒粒好抵食！
张贴
