蕾

营业中

休息中

今日行过旺角，朋友话带我食间隐世居酒屋。距离地铁站唔系好远，几分钟就黎到。梅子蕃茄酸酸甜甜，非常开胃！朋友好中意佢既蕃茄，够晒清新。我反而中意酒盗芝士，面头有酒盗，比较重口味，衬托出芝士既奶香味，几好。居酒屋一定要食串烧，店员介绍佢地系用日本备长炭黎烧，好有heart。车厘茄，烧得刚好，吃落爆汁！翠玉瓜，好中意佢既调味，微辣爆汁好惹味！肉类黎讲一定要吃五花腩串同埋白鳝！五花腩大件得黎好香好有肉汁。白鳝大大旧而且烧到外皮脆口，肉质弹牙，好有水准！另外月见鸡肉棒都好正，鸡肉加入软骨吃落好有口感，加埋蛋黄酱汁味道就更香！豚肉生菜卷，豚肉包住生菜，豚肉系汁烧已经好够味，仲有少少焦香，生菜清新多汁，正呀。特别一提系佢地既饭料理！梦王蛋饭有大量葱花加上酱油蛋黄，香到不得了，好味。而烧饭团都好特别，表面烧到香脆，入面既饭有酱香味，正！蕾既sake 好多选拣，店员推介左一款磐城寿纯米酒，米味比较出，几易入口。吃左啲串烧再饮既话酒味反而会变浓，非常有层次。整体而言食物好高质，睇得出好用心，味道亦好好。店员都好用心甘介绍同埋解答，各方面都唔错，一定再黎！