甜入心 (好運中心) (已結業)

本身系廿几年既沙田友，好耐冇去沙田食饭，难得去完陈根记，打算系沙田食甜品，见到呢间呢几年先出现既甜品店，又成十个人排队，即刻冲去睇下有咩咁吸引！原来系椰子爱好者既甜品店，真系好少见，餐牌上既甜品名更加系风趣又幽默，仲有故事讲解(自己去睇啦)，唔怪得拣食咩都用唔少时间啦！叫左出浴椰皇子，朱古力绵绵冰，腐竹汤圆试一试中西糖水甜品有几出色。椰皇子就真系有创意又有真材实料，一啖有齐椰子，布甸同啫喱，有口感，有味道，又唔太甜，好过瘾！朱古力绵绵冰就特浓朱古力，冇水份，好有诚意既冰！最后个汤圆仲有得选两粒唔同味道既台湾汤圆。等左十个人先入到去加上坐到好迫都算抵返晒！环保小贴士，如果免费果茶唔系洗用纸杯装就完美啦！大家记得自己带杯/水樽去装啦！