狂潮美食坊

营业中

休息中

过完个农历年假又系时候收拾心情，第一日返工同事话出去食开下年，咁就去联和墟啦。点知想食嘅几间舖头都未开，一路行直至见到狂潮，见佢个店名咁有霸气，一于试下先。新春无特别加价，午餐$40起，一般茶记价位ok啦。阿姐好快送上例汤，红萝卜煲猪骨，无乜味，但至少唔系味精啦。冻饮加$2，要左冻柠茶同冻奶茶，好大杯，够冻，茶味仲好浓添。雪菜肉丝炆米（$40）好大碟，多雪菜又多肉丝，味道偏咸少少，整体ok嘅。油鸭脾饭（$50）同事要左油鸭脾饭，哈哈，佢话好耐无食过腊味㖞。饭劲多，鸭脾一只已切件，咸就梗㗎啦话明系腊味，咸得黎都有鸭味，都几好食，但50蚊就好似贵啲㖞。新春都无加一算系咁。