串燒佬 (已結業)

晚市终于开返啦，又好耐无食串烧，因为串烧如果外卖既话始终无堂食咁正。今日去左观塘成业工业大厦呢间串烧佬食串烧。烧肉又叫啲、蔬菜又叫啲，同朋友吹水慢慢食。串烧我好怕烧到干争争，但呢度唔会呀，掂。有几个3个辣度同唔辣拣，我全部都试哂少辣。韮菜、四季豆、秋葵、露笋，烧得整理靓仔，啲蔬菜好新鲜，唔会有渣。脆皮鸡翼尖好过瘾，自己落辣粉，shake两 shake 食得，鸡翼尖又脆又香。肉就叫左川辣鸡脾肉、野味烧牛肉、炭烧黑豚肉、皇牌烧鸡中翼 、爽口烧猪颈肉同烧爽口牛丸，啲肉全部都好嫩，调味适中，好惹味，好满意。