蓮子麗姐素食

营业中

休息中

去左蓝屋影中秋灯笼, 顺便去试下莲子丽姐。叫左一个无乜人讲过既清汤萝卜素羊腩(有饭$60 走饭$50)。我见素羊腩多数系咖哩或竹枝羊腩煲, 未食过清汤, 唔知可唔可以重塑清汤腩既味道。白萝卜唐生菜好清甜, 咁讲好"蕃茄有蕃茄味"但系好多时出街食, 菜唔一定新鲜更加唔会系甜, 我无谂过我会好enjoy食"清甜唐生菜"。羊腩有好浓既冬菇味道, 咬开都有冬菇粒, 食落口感有d似冬菇蒸肉饼, 始终真清汤腩有多D 油脂, 要完全似样应该无可能。虽然卖相不能再普通, 但味道系食物原味道, 我都食得好开心。另外叫左椰汁雪燕桃胶糖水($40), 呢个真心推, 桃胶雪耳超足料, 食落椰汁好浓稠, 唔系平时糖水店水汪汪咁样。莲子丽姐宜家开到9点, 就算唔黎食饭都不妨黎食碗糖水。