喜喜冰室 (已結業)

本来想试嘅食店揾唔到，黎左喜喜冰室到试下，见佢咁出名，一定有番啲特色野嘅。去到，刚好有张卡枱走，好好彩唔使等位，但要同另一对人share。啱啱系楼梯前一张卡枱，非常迫，差啲入唔到去，只能用单手拎野。餐牌环境都系好怀旧feel，但价钱一啲都唔相宜，几枱人都系咁讲，好在唔系得我一个觉得啫。一场黎到，食贵啲都无所谓啦。伙计落单唔使写低，转头就递上单，仲有个大夹夹住。好快送上嘅热奶茶，香，滑，好饮！免治牛肉饭，只差唔多全生嘅蛋好吸引，食落好有蛋味味腥，整体味道唔错嘅，酸酸咸咸嘅肉酱配上粒粒白饭。另一份叫左常餐，叉烧意粉，呢样真系无特别可言，味道一般，份量偏少。常餐跟嘅双蛋多士，牛油多香口，已经搽定牛油先烤，所以啲牛油全滆又真系几好味嘅。双蛋同样只系微微煎过，都系好有蛋香。五六十蚊食碟饭唔包野饮，话好贵又唔算嘅，今时今日，食一百蚊碗嘅拉面都大排长龙啦，不过啲伙计同收银可以唔好咁串会感觉良好啲啰。