Lucky U

营业中

休息中

今日荃湾放工，想同同事揾间bar食完饭直落饮嘢，relax一下。咁啱经过lucky u ，一次过满足晒我哋两个愿望，质素几好，值得推介俾大家。个场都几大，空间感阔落，超多座位。我哋叫左两杯mocktail 一杯系rainbow showdown ，另一杯系matcha。我𠮶杯Rainshow shadow 超靓，又饮得又影得，啱晒我呢啲正宗港女！嘢食就叫左泰式生虾、一碟意粉、同埋一份牛扒。生虾肉质弹牙，味道爽甜鲜味。酱汁有大量生蒜同埋辣椒，食到停唔到口，酸酸辣辣超级开胃！意粉就系北海道明太子鱿鱼虾仁碎他他汁意大利粉。啲汁超creamy，配料好足料，份量好多。最重要嘅系有超级多我最钟意嘅明太子，值得一赞!!!!!另外再叫多左份美国安格斯肉眼扒，有成10安士㗎，超够份量！肉质超级嫩滑，脂肪比例平均，有口感！Lucky u 必试之选！场内仲有超多设施，应有尽有，例如:桌球、掟标、beer pong。放工想放松一下，去lucky u 食完饭仲可以直落饮嘢，超方便！我一定会介绍多啲同事嚟呢度！