妹記大排檔 (已結業)

一行六人去食晚饭，大排档啱哂一班朋友去食。好热闹，上到去等左大约三四个字到就有位。叫左招牌炸猪手、飞天通菜、生炒骨、蚝饼同埋椒盐鲜尤。叫左两支啤酒，可以用战斗碗饮，好有feel。野食都好快上，逐个逐个点评下先。招牌炸猪手有啲咸，配泰式辣酱好夹，分量好够。通菜普普通通。生炒骨多骨无咩肉，唔算好大碟。蚝饼够大份，但粉多蚝少，有啲失望。椒盐鲜尤分量好少，但够味够香口。整体来讲，气氛都唔错，但野食普普通通不过不失，未至于吹奏得咁西利。埋单一个人大约$103，唔算好贵，卫生情况一般。