影片
更多
2009-04-08
25 浏览
老婆心血来潮想去啲好食又好feel嘅餐厅食饭.........佢自己上嚟openrice search吓边间好....最终决定咗Al Dento Soho.当日我接埋老婆收工搭的士上嚟soho，我地系伊利近街落车，顺道睇下呢度仲有啲咩好嘢食同埋感受一下呢度嘅气氛~呢度都算易揾，但地方就好细，不过装潢唔错好有气氛，情侣谈心fit晒。我地无订枱，起初我地被安排坐留下一张超窄又逼嘅枱，不过waiter话俾我地知仲有上层，于是我地转上楼上坐，但其实上面都系一样咁细同窄。不过上面都好，系一张独立二人枱，唔驶好似搭枱咁。呢度menu同waiter/waitress都系全英文，所以如果你英文唔系咁好就可能要先补习吓~我地是晚叫咗一个烟三文鱼伴意式冻肉做startar、意大利云吞同U.S Sirlion steak做main、甜品就系老婆最爱嘅chocolate pudding ~ 心太软先讲startar，因为老婆无特别心水嘢想食，所以由我发板。我唔识叫，见呢款好似唔错有好多肉(至少有我最爱嘅smoked salmon、其他startar只系啲豆类......)，但其实好普通，salmon ookk
当日我接埋老婆收工搭的士上嚟soho，我地系伊利近街落车，顺道睇下呢度仲有啲咩好嘢食同埋感受一下呢度嘅气氛~
呢度都算易揾，但地方就好细，不过装潢唔错好有气氛，情侣谈心fit晒。
我地无订枱，起初我地被安排坐留下一张超窄又逼嘅枱，不过waiter话俾我地知仲有上层，于是我地转上楼上坐，但其实上面都系一样咁细同窄。
不过上面都好，系一张独立二人枱，唔驶好似搭枱咁。
呢度menu同waiter/waitress都系全英文，所以如果你英文唔系咁好就可能要先补习吓~
我地是晚叫咗一个烟三文鱼伴意式冻肉做startar、意大利云吞同U.S Sirlion steak做main、甜品就系老婆最爱嘅chocolate pudding ~ 心太软
先讲startar，因为老婆无特别心水嘢想食，所以由我发板。
我唔识叫，见呢款好似唔错有好多肉(至少有我最爱嘅smoked salmon、其他startar只系啲豆类......)，但其实好普通，salmon ookk，有少少"腥味"，其他肉就好普通，同去citysuper买一啲冻肉返屋企食一样......
老婆就唔系好啱食啦。
到main了，分别系我嘅至爱Sirlion steak同老婆钟意嘅Ravioli：
先讲Ravioli：我地拣了白汁，Ravioli比较扁平，食落味道就一般，料唔算多同无味。
好在白汁唔错够creamy同香，整体只能说尚算合格.....
Sirlion steak我拣了U.S.的，因waiter介绍U.S.的比较大份同厚生。我叫了medium，但grill得过咗少少，但肉身有味同几juicy，可以食得出佢真系用"烧"的方法煮成，食落好香口。
份量都好大份，所以食完startar同main都已经好饱。
最后系chocolate pudding，因为系老婆嘅至爱，所以佢食startar同main时留咗肚.....
心太软啲chocolate汁好好食，唔太甜够热又有朱古力味，外层做得好好。
整体食物质素ok，但气氛十分之好，好有格调又浪漫！我地食得好开心！
张贴
