喵喵怪廚

营业中

休息中

见到罐罐饭就心血来潮想试，因为外卖八折所以叫咗汉堡扒旋风蛋饭外卖。整体真系好可爱，外卖袋可爱，袋饭嘅罐都好可爱，虽然呢个罐唔系金属，系类似维他奶盒喺入面铺咗层嘢，但系保持温度好好，攞返公司仲系热辣辣。打开后卖相很吸引，有椰菜沙律做前菜，食落几清新，汉堡扒外面少少脆，食到有牛味，蛋好滑，有啲蛋汁喺饭好好食，仲有送一粒地瓜丸做甜品，清清甜甜几好味。而且仲送咗张贴纸同包纸巾。呢种宣传手法不错。虽然价钱有少少贵，但系有视觉同味觉嘅享受，加上店员态度唔错，我个人觉得值回票价。