喜聚坊

营业中

休息中

好耐之前黎过，一直记忆深处都系好好味，可惜一直未有机会再食，咁岩今日去开大角咀做野就紧系要寻回记忆中的美味️呢啲天时，尤其女仔，汤水好紧要，老板娘推介菜干南北杏煲猪尾，紧系岩饮啦～老火汤果然系老火汤，超滋阴的感觉，而且一饮就知真材实料，用新鲜猪骨煲同完全无放味精底下果种清甜味道饮完系有种好舒服的感觉～大大煲汤，2个人一人好似饮左各3碗先试小炒皇，虽然无叫酒，但完全唔会好咸浓要饮水果种；相反对比其他小炒皇，呢碟用料超多，有土尤、鱿鱼、贵花蚌、虾仁、带子、蒜心、腰果，出面食唔到🤤🤤而且又入味，值得一试跟住系个蚝饼，佢名堂系私房蜂巢脆炸蚝饼🤩🤩，果然无起错名，真系一炸完出黎蓬蓬的，好大个，而且最特别既系除左蚝仔系大大粒，仲加份左菜蒲！菜蒲香蛋香同蚝仔配合在一起是多么的令人赞叹！最后来个咸鱼排骨煲仔饭，有饭焦香，排骨好大旧好入味，又淋又易咬，新鲜排骨赞一个！咸鱼香融入煲仔饭内，香味四溢，作结非常好！