影片
更多
2022-09-03
437 浏览
见见到好多人留低好好既 review ，今晚专登黎试下，果然无失望，仲要食得好开心，估唔到将军澳有d咁高质既西餐！系门口有位小店长（厨师既大仔，只有六岁）招待我地。小店长好醒目，态度好专业，成晚不停走过黎同我地倾计。我地两大一细叫咗两个意粉，一个 carbonara 一个 龙虾意粉。加$10 可以将意粉加大。本身想将 carbonara 加大，不过小店长建议我地将龙虾意粉加大，因为佢话龙虾意粉更加好味，我地就听佢意见。小店长果然无错。虽然 carbonara 都好味，不过龙虾意粉更出色。个味道同presentation真系比其他高级餐厅更吸引。外面好多餐厅既龙虾意粉系用番茄酱加几块龙虾。呢到系真系用龙虾酱做个底，个酱好似 lobster bisque咁，意粉煮到 Al dente 好 perfect。厨师仲好细心，分开预备咗少少 chilli flakes，比客人自己决定加唔加。我地再加咗个 salmon steak 同玉米比小朋友。虽然系儿童餐，但系睇得出厨师照好比心机煮，三文鱼煎得好脆。另外好加分系餐厅有个 play mat 同玩具比小朋友玩。有小朋友既大人都知道带小朋友出去食野最
系门口有位小店长（厨师既大仔，只有六岁）招待我地。小店长好醒目，态度好专业，成晚不停走过黎同我地倾计。
我地两大一细叫咗两个意粉，一个 carbonara 一个 龙虾意粉。加$10 可以将意粉加大。本身想将 carbonara 加大，不过小店长建议我地将龙虾意粉加大，因为佢话龙虾意粉更加好味，我地就听佢意见。
小店长果然无错。虽然 carbonara 都好味，不过龙虾意粉更出色。个味道同presentation真系比其他高级餐厅更吸引。外面好多餐厅既龙虾意粉系用番茄酱加几块龙虾。呢到系真系用龙虾酱做个底，个酱好似 lobster bisque咁，意粉煮到 Al dente 好 perfect。厨师仲好细心，分开预备咗少少 chilli flakes，比客人自己决定加唔加。
我地再加咗个 salmon steak 同玉米比小朋友。虽然系儿童餐，但系睇得出厨师照好比心机煮，三文鱼煎得好脆。
另外好加分系餐厅有个 play mat 同玩具比小朋友玩。有小朋友既大人都知道带小朋友出去食野最麻烦系小朋友坐唔定。呢个 play area 就可以比小朋友等野食既时候玩。
最后，真系好欣赏厨师一家咁有 passion 煮野食。佢地两夫妇准备食物，婆婆（或嫲嫲）同大仔帮手做侍应。细仔真系太细，好多时仲要妈妈抱住。虽然餐厅好大，但系只有5至6张台，睇得出一家人真系好有 heart 去做餐厅。大仔真系好可爱老积。佢只有6岁，不过见到我地比杯水我地既2岁小朋友饮，专登走过黎提醒我地话个杯太多水，叫我地饮咗d先比 bb 饮，如果唔系好容易饮到周围都系🤣 成晚同佢倾计真系觉得好窝心 😍
今晚餐厅唔算多人，我地行返去停车场既时候见到其他我地认为野食好普通既铺头反而仲多人，可能佢铺头黎商场比较远少少，所以少d人会 walk in，好可惜！
极力推介比所有人，尤其系想支持小店既人。好期待下次返黎试埋其他野😍
Corn soup
13 浏览
0 赞好
0 留言
Carbonara
10 浏览
0 赞好
0 留言
龙虾意粉
25 浏览
0 赞好
0 留言
张贴
