影片
更多
2018-09-27
116 浏览
早几日约左朋友去荃湾食饭，见到呢间餐厅以猫黎作布置，所以吸引左我地去试下。位置都算方便，正正就系荃新天地二期对面。 餐厅布置似酒吧，好有情调。我地好彩前一日订左位，七点半去到已经好多人食紧啦。餐牌嘅选择都算多，所有主菜加$50就可以转做套餐，有餐包，餐汤，沙律，主菜，餐饮咁甜品。我地拣左两个套餐，主菜就拣左德国猪手配酸菜同南瓜汁带子意大利饭。值得一提嘅系职员好细心问我地系咪share食，因为share食的话就会帮我地逐个餐上，唔使吹冻啲食物。仲提我地意大利饭偏硬，要唔要煮淋啲。真系好贴心。落完单好快就上餐汤同面包。 职员帮我地调教左个黑醋汁俾我地用面包点黎食。啲面包上枱仲系热嘅，所以都几松软。 餐汤系蕃茄汤，比较特别嘅系个汤好多蕃茄茸，唔系茶记啲罗宋汤加水，又唔会太酸。饮完汤就上沙律，沙律菜就来来去去差不多，但个酱呢系加左啲芥末，唔会辣，酸酸地。之后就上主菜猪手啦，个造型真系满手咖，成把刀插系只猪手度，职员俾我地影晒相先拎返入厨房切！切完其实唔算好大只，share食就刚刚好啦。 啲皮真系好脆，肉亦唔算咸，好惊喜，因为真系好少食到咁脆嘅猪手咖！食完猪手先再上个意大利饭。职员真系好细心，可
位置都算方便，正正就系荃新天地二期对面。 餐厅布置似酒吧，好有情调。
我地好彩前一日订左位，七点半去到已经好多人食紧啦。
餐牌嘅选择都算多，所有主菜加$50就可以转做套餐，有餐包，餐汤，沙律，主菜，餐饮咁甜品。
我地拣左两个套餐，主菜就拣左德国猪手配酸菜同南瓜汁带子意大利饭。值得一提嘅系职员好细心问我地系咪share食，因为share食的话就会帮我地逐个餐上，唔使吹冻啲食物。仲提我地意大利饭偏硬，要唔要煮淋啲。真系好贴心。
落完单好快就上餐汤同面包。 职员帮我地调教左个黑醋汁俾我地用面包点黎食。啲面包上枱仲系热嘅，所以都几松软。 餐汤系蕃茄汤，比较特别嘅系个汤好多蕃茄茸，唔系茶记啲罗宋汤加水，又唔会太酸。
饮完汤就上沙律，沙律菜就来来去去差不多，但个酱呢系加左啲芥末，唔会辣，酸酸地。
之后就上主菜猪手啦，个造型真系满手咖，成把刀插系只猪手度，职员俾我地影晒相先拎返入厨房切！切完其实唔算好大只，share食就刚刚好啦。 啲皮真系好脆，肉亦唔算咸，好惊喜，因为真系好少食到咁脆嘅猪手咖！
食完猪手先再上个意大利饭。职员真系好细心，可能真系就返时间先煮个饭，所以上菜果阵真系热到出烟咖，好香浓嘅芝士味，拉到丝果只带子煎左少少，所以个心个系生生地，咬落好软。 至于个饭呢好彩有叫煮淋少少，刚刚好！
食完两个主菜就上左甜品同餐饮。甜品系芝士蛋糕，餐饮都系热柠茶热奶茶果啲。
值得一提系呢度水几特别㖞，系青瓜水，好fresh 啊！
下次一定会再去试食其他主菜嘅！
张贴
