盤子工房 (海趣坊) (已結業)

蟹籽蟹肉明太子忌廉意粉 💰HK$108超大兜，好彩系同朋友一齐share！好多蟹籽同蟹肉碎，意粉软硬度适中，而且够汁唔会dry，整体感觉唔错😋菠菜芝士傻仔波配蜜糖芥茉酱 💰HK$58食落去唔会太油腻，似系菠菜薯波，但唔系好觉入面有芝士，整体偏干身，好彩可以点酱食～亲爱的提拉米苏牛角窝夫 💰HK$88见到其他人食紧呢个好吸引，所以我地都叫咗～同咗店员讲帮我地后上，呢个牛角窝夫好有惊喜，一食落口真系仲热辣辣好脆，再配合埋Tiramisu 个cream同埋个雪糕，成个感觉就系一次过体验哂唔同层次嘅丰富口感🤤自家制焦糖鲜奶咖啡 💰HK$60自家制焦糖奶奶 💰HK$55自家制焦糖好出色，一嚟到系三大旧焦糖喺面，之后再慢慢溶化落去杯野饮到，本身仲担心紧啲焦糖会好甜好甜，但点知原来系唔会令到啲奶同咖啡变到太甜，整体甜度适中，嚟到呢到一定要试饮呢杯野饮！