HeySoNuts

营业中

休息中

我同男朋友难得黎到土瓜湾拍拖，夜晚入左呢间HeySoNuts食晚餐。睇完餐牌，拣左四样野食：海鲜黄姜意大利饭，忌廉野菌汁猫耳朵意粉，自家制脏脏比利士朱古力酱日式梳乎厘松饼配焦糖香蕉，姜味麻糬窝夫配以自家制栗子蓉及香草雪糕。海鲜黄姜意大利饭软硬度适中，黄姜味唔重，海鲜有蚬肉，鱿鱼同虾，仲有番茄仔。佢有片柠檬俾你自己吱落饭到，估唔到令到个饭酸酸地，每啖都好开胃清新。忌廉野菌汁猫耳朵意粉个汁好食，意粉十分能挂到个汁。印象中第一次食猫耳朵意粉，好有咬口，几特别。自家制脏脏比利士朱古力酱日式梳乎厘松饼配焦糖香蕉系新出品，用上72%既朱古力，淋上劲多朱古力酱，但都唔会过甜。松饼有蛋香味，松软好食。朱古力迷大爱。姜味麻糬窝夫配以自家制栗子蓉及香草雪糕好有惊喜。麻糬窝夫口感烟韧脆口，姜味同窝夫都几夹，连我唔好姜既人都觉得好食，好有创意！呢间小店好有心，值得支持。