雲壽司 (聯成商業中心)

营业中

休息中

呜呜呢排返工返到好夜，放工超攰😐，本身约咗朋友去激安买嘢食开餐，但太多人、唔想迫就放弃咗。我哋行咗去总统戏院𠮶边，𠮶到有间「云寿司」我想试好耐，呢日唯有食住佢嘅外卖先啦。喺门口睇紧餐牌之际，店员同我哋讲外卖自取有九折啊，试下啦～。咁我哋就直头入舖坐低睇😝。虽然只能够做外卖，但师傅们都著晒整齐厨师服预备食物，够专业，抵赞👍。餐厅环境好细，但气氛好好，而且佢能确保一位师傅对一枱食客嘅比例。餐厅有得食厨师发板，比出面平好多，而且仲有得单点寿司！选择超多、花多眼乱🙈。我哋有谂过散叫，但又唔想谂，店员话咁不如试下个特上寿司拼盘🍣($250)，有十件精选寿司，件件都咁好食咁话㖞。十件寿司包括吞拿鱼腩、深海池鱼、牡丹虾、赤贝、海胆、三文鱼籽、火炙左口鱼边、鲭鱼、鲂𫚒同葱呑拿鱼蓉寿司。认真无呃你，我敢讲全部都好食😋，仲要外卖已经无可避免地会将味道大打折扣。当中有三款我特别推介：三文鱼籽，我未食过咁好食嘅三文鱼籽㗎，每粒都爆晒浆，超级甜😍。佢同连锁寿司舖嘅出品完全系两种唔同层次，好正。火炙左口鱼边，🔥火炙系列一向都系卖飞佛，因为轻轻炙烧完更能带出鱼生份油香；左口鱼肉烧完，肉质仍然爽口。呑拿鱼腩，鱼身粉红