和匠日式燒肉店

营业中

休息中

今晚又去烧肉喇~今次去左一间位于佐敦嘅和匠日式烧肉店。门面用木条建搭，简洁朴实。入到去，店员非常有礼，四周环境干净，枱面及餐具唔会油淋淋。发现一只飞驒牛公仔，非常可爱，今晚就同佢一齐晚餐喇。叫左好多野食，呢个系萤光鱿鱼，猪觉得入口时有杂果沙律嘅味道，之后就咸咸地，几有趣。日本安昙野豆腐沙律，沙律菜好新鲜，滑滑嘅豆腐配上日式芝麻酱，好食。美国prime牛小扒，颜色好靓，肉亦好厚身，用大火烧一烧两面，肉嘅口感一d都唔韧。阵阵嘅牛油香味，一试爱上。美国prime牛角切，每个位置油脂不一，口感亦有差异，唔洗加酱料已食到𠮶种美味喺舌头上化开，回味无穷。盐烧豚腩肉，虽然邪恶，但实在香到不得之了。轻微嘅盐味，可以食到豚腩肉本身原味嘅滋味。日本国产阿波尾鸡腿肉，相当于从鸡腿到大腿根部嘅部位，多汁滑嫩日本国产帆立贝（黑松露蒜蓉牛油烧）牛油同蒜蓉系最佳配搭，用嚟煮海鲜最合适。一路烧一路散发出牛油嘅香味。日本帆立贝系由外日本新鲜进口，鲜味十足，口感爽嫩清脆，非常好食。香蒜牛油黑松露焗杂菌，牛油味非常香，但又唔会盖过d杂菌味，份量绝对唔少。冷稻庭手打乌冬，酱汁唔会太咸，个山葵味道亦唔错，唔会冇味或太过攻鼻。而