堅信號上海生煎皇 (新都城中心二期) (已結業)

之前去新都城见到依间岩岩新开，门口有好多人排队，非常受欢迎，打算下次试下。今日见到门口有张生煎包poster，吸引人入去食。餐厅地方不大，但环境光猛同干净。雪菜黄鱼浓汤拉面系依间餐厅嘅精选推介，好多人都会叫黎食。黄鱼系岩岩炸好，有平时煎鱼个种香味，佢仲要系无鱼骨，唔洗担心哽到鱼骨。啖啖都系鱼柳，再加上浓浓嘅鱼汤，非常好食。叫左外婆红烧肉菜饭，本身以为红烧肉系平时食嘅东坡肉，甜甜地，估唔到唔同地方整嘅红烧肉系唔同。佢系用酱油整成，肥瘦均匀，外表比较深色，但食嘅时候唔觉得油腻，同饭一齐食同样都好味。好耐冇食过菜饭，好钟意小棠菜饭，系咁多种菜饭最好食。叫左坚信号上海生煎包，从依间餐厅嘅名就知道佢招牌系咩，佢嘅生煎包就系好食。佢嘅外皮做得厚薄均匀，外皮系脆，咬落去汤汁爆出黎，好鲜甜而有肉味，猪肉馅都好好味，肥瘦均匀。叫左麻辣无骨凤爪，最钟意食无骨凤爪，可以做个懒人，食落不愧系麻辣味，比较辣，令人又爱又恨。冻豆浆(+$2)饮落唔会太甜，而茉香绿茶都几好饮，饮嘅时候就闻到茉莉花香味。叫左坚信号秘制厚切猪扒，不愧系厚切猪扒，有一节手指咁厚，食落仲有蜜糖嘅香味，肉质软腍同松软，好适合送饭。