楚撚記大排檔 (寶光大廈)

营业中

休息中

成日见楚撚记大排档排哂队，今日好彩好快有位。食完之后就知道点解咁多人捧场。佢哋嘅小菜真系好好食，未试过嘅一定要试😝劲多款大排档小炒菜式，样样都好吸引，重点系价钱唔贵，食物有质素😎拣咗避风塘鲜鱿，避风塘嘅整法非常之惹味，又有蒜香又够香辣，鲜鱿炒得啱啱好。另外叫咗香爆黑椒牛仔骨煲，牛仔骨肥瘦适中，黑椒味浓郁，仲有洋葱等配菜。我哋再拣咗个菜类：黄沙猪膶杞子浸时蔬。蔬菜清清地，猪膶好爽口好正！一定要试呢度嘅招牌：怀旧猪油捞饭☺️已经唔系好多地方有了。香气四溢嘅猪油配上饭粒，实在忍唔住一口接一口。黄金炸馒头外脆内软，点炼奶绝配。