港星餐廳 (已結業)

由于之前食过觉得他们嘅小菜同小炒出品都几好，所以我们今晚去咗旺角道嘅「港星餐厅」买外卖自取返屋企食！我们买咗豉汁黄立䲝嘅肉质好鲜味嫩滑，至于豆豉方面更早前亦讲过他们系特意将豆豉炒过，令到豆豉嘅香味更加提升，而且味道唔会好咸！西芹腰果炒虾球嘅西芹好清甜爽脆，虾球好爽甜弹牙，腰果亦好香脆，唔会过咗火而变到好腍身！黑椒牛柳丝炒乌冬嘅牛柳丝好松软嫩滑，而且份量都几多，乌冬面质好烟烟韧韧，黑椒汁非常香辣惹味，而且相当均匀咁沾满每条乌冬！香辣炒米炒得好够镬气，材料亦好丰富，平日通常都系食星洲炒米，系用咖哩粉炒，但今次食呢个香辣炒米系用鲜辣椒炒，所以味道更加鲜味，真系好正呀！