羊蹄山

营业中

休息中

上星期同朋友去食过，大家都赞不绝口，无谂过羊肉唔同嘅部位都有咁大嘅分别，就好似食紧牛肉咁，每一个部位都有佢嘅味道同口感。食嘅时候都要从淡到浓味咁品尝，确保每一口都系享受。😌😌我哋今次点咗羊颈、梅头、西冷用来烤，另外仲点咗羊肉汤同羊肉饺子，实行来个全羊宴～🤣🤣羊肉汤⭐⭐⭐⭐⭐用咗至少1/4只羊煲咗20小时以上，羊味浓郁，加咗羊骨一齐煲，骨内嘅骨髓令到个汤变成奶白色，就好似鱼汤一样香甜浓稠，每到一啖都系精华😍😍羊颈肉⭐⭐⭐⭐脂肪分布比较均匀，口感比较淋身，肉味较淡，所以最先食呢个部分😉羊梅头⭐⭐⭐⭐⭐呢个部位较多筋，脂肪较多，比较有咬口，系我至爱嘅部位，明明食紧肉，但有种咬紧鸡软骨嘅感觉，好特别🤣羊西冷⭐⭐⭐⭐⭐呢个部位又淋又滑，味道系最浓郁嘅，老板话烤到五成熟就食得，每一口都令口腔充满羊嘅香味，同行朋友最爱呢个部位。🥰🥰食羊嘅同时，除咗可以点唔同嘅酱汁外，都可以同北海道嘅泡菜或鳕鱼肠一同进食。坊间一般嘅泡菜都好浓味，但羊蹄山嘅泡菜则味道较淡，可以食到白菜本身嘅清甜，同羊肉好夹咖～😉