味自慢 (已結業)

啱啱同Nelson, Phoebe去咗味自慢食lunch....个碎吞拿鱼腩海胆饭"个样"实在太太太太好味啦....点解系个样.. 原因我呢期医生叫我唔好食鱼生类嘅嘢...所以当然俾同行好友禁制我....唔俾我食鱼生啦...好遗憾呀~~~~~讲讲个碎吞拿鱼腩海胆饭先啦...哗...果然份量十足，以我所见有成六瓣大海胆(浅色，应该可能系加拿大货)，仲有三只虾 (size比普通甜虾大只好多，不过就细过牡丹虾，色水晶莹剔透，好新鲜)，成吋半厚嘅碎吞拿鱼腩(用大量洋葱捞埋)，仲有两大片紫菜(应该用嚟包海胆食)，我见到都流晒口水....而我就叫咗牛扒定食..份量都好十足，块扒好大，而且仲系medium raw...肉质软滑...都有牛味，不过唔系好突出，个酱汁好浓我用咗嚟捞饭..嘻嘻..咁先可以食到个牛味，而啖饭又唔会淡嘛...不过啲饭好散，日本饭应该黏黏哋先系嘛....最后甜品有黑芝麻或者咖啡味，我要咗黑芝麻，不过不失啦....服务态度OK啦，因为经常加茶。