Tea Library (已結業)

其实之前经过几次都未有机会试一下哩间新开嘅茶店，不过今次特登嚟既原因喺朋友嘅极力推介之下嘅。Tealibrary，入到去有几张小圆枱，配搭唔同颜色嘅梳化，播放住轻松既音乐，比人feel到成间舖好舒服，再望下𠮶装潢，都同library好match，感觉到成个装修好有heart。之后再望下价钱牌，水果茶类都30元以上，内心觉得相对比较高😲，我自己本身对浓郁既茶兴趣不大，经过店员嘅推介，我叫了一杯金桂花高山乌龙，盛惠$29，自自然内心嘅expectation会比较高，我站喺柜枱前望住佢哋制作，而且多口问咗店员喺咪真系有金桂花🧐，事实上真系有㗎！！😍😍😍😍慢慢坐喺梳化嘅上面，观摩周边环境，有种偷得浮生半日闲嘅感觉。金桂花高山乌龙，天然清香金桂花，加上乌龙既味道，味道竟然喺咁match，其实茶底真系好重要，茶叶既好坏真喺影响好大，而佢哋sell既茶底都好高级之余，用料亦好天然实在，真喺值得一试再试！难怪朋友极力推介。下次嚟试下其他茶先！