Bingo & Cook (駱克駅) (已搬遷) 新店位置

Bingo and Cook 地点真系超方便，一出铜锣湾地铁站就到。一入到去就见到好chill好舒服嘅装潢，真系好岩同一班friend黎食好嘢兼打卡。个人超中意佢嘅韩式无骨炸鸡，我地另外仲追加个炸鱿鱼($40)，卖相靓得黎之余真系好好食。店员仲好好人，帮我地剪开咗啲鱿鱼，等我地易啲食。炸鸡有少少辣，好过瘾，外脆内热，炸粉一啲都唔厚，啲鸡肉又好嫩滑。鱿鱼都几大份，又新鲜又有咬口，都几抵食。值得一提嘅系佢嘅炸鸡入面有一旧好细嘅完整薯仔，劲有薯仔味，真系好惊喜。另外我地仲嗌咗个海鲜嫩豆腐火锅，材料劲丰富，份量都几多，有砚、青口、虾、鱿鱼、豆腐同韩式粉丝。啲海鲜都好新鲜，捞埋佢嘅韩式辣酱落啲汤到，真系好好食。海鲜葱饼有劲多海鲜同葱，唔会油淋淋，咸度适中，食落感觉好健康。最后嗌咗杯水蜜桃碳酸水，冻冰冰咁饮落好清新，一啲都唔会太甜。佢仲加咗两片柠檬系入面，又解渴又好饮。