影片
更多
2024-09-12
3944 浏览
趁住weekend，约埋朋友加埋小朋友一齐出去食饭，揾下揾下就见到哩间餐厅。哩间餐厅特别之处，系有一个kids zone，等小朋友食饭食到一半觉得闷可以去玩。而且0至6岁嘅小朋友都系免费‼️我哋拣咗星期日食，惊会好full，所以预先上网订位。入座前职员再一次确定系食日本菜 定 意大利菜。PALOMA ($98)Brunch由朝早11:30食到晏昼3:00，我早咗少少到，自己叫咗杯cocktail，一路饮一路等😌哩杯饮品好清新，杯边有少少盐，而且酒味唔系好浓，好易入口。Kid’s Menu ($148)每份小朋友套餐包括一款主菜、甜品同一杯果汁。主菜有3款，有炸鱿鱼、炸鸡 或者 意粉。意粉可以拣蕃茄汁 或者 卡邦尼汁。而甜品就系雪糕，有云呢拿味 或者 红桑子味。虽然话系儿童餐，但系份量都几多😯我哋拣咗蕃茄汁意粉。小朋友有专属餐具，不过唔知点解餐厅净系俾碟同匙羹。小朋友食意粉，都系拎返大人叉😅甜品拣咗云呢拿味雪糕，雪糕好滑好香奶味。Brunch ($398)大人嘅brunch menu就多好多选择。一共有4款前菜for sharing，而主食有6款可以拣。最正系甜品，系朱古力火锅🫕🥹上前菜之
哩间餐厅特别之处，系有一个kids zone，等小朋友食饭食到一半觉得闷可以去玩。
而且0至6岁嘅小朋友都系免费‼️
我哋拣咗星期日食，惊会好full，所以预先上网订位。
入座前职员再一次确定系食日本菜 定 意大利菜。
PALOMA ($98)
Brunch由朝早11:30食到晏昼3:00，我早咗少少到，自己叫咗杯cocktail，一路饮一路等😌
哩杯饮品好清新，杯边有少少盐，而且酒味唔系好浓，好易入口。
Kid’s Menu ($148)
每份小朋友套餐包括一款主菜、甜品同一杯果汁。
主菜有3款，有炸鱿鱼、炸鸡 或者 意粉。意粉可以拣蕃茄汁 或者 卡邦尼汁。
而甜品就系雪糕，有云呢拿味 或者 红桑子味。
虽然话系儿童餐，但系份量都几多😯
我哋拣咗蕃茄汁意粉。
小朋友有专属餐具，不过唔知点解餐厅净系俾碟同匙羹。
小朋友食意粉，都系拎返大人叉😅
甜品拣咗云呢拿味雪糕，雪糕好滑好香奶味。
Brunch ($398)
大人嘅brunch menu就多好多选择。
一共有4款前菜for sharing，而主食有6款可以拣。
最正系甜品，系朱古力火锅🫕🥹
上前菜之前，会先上面包。
前菜
SALUMI E BURRATA
系Parma ham、mortadella 同 Burrata cheese。
Burrata cheese本身味道偏淡，可以中和咗风干火腿嘅浓味。
ROMAN "GIUDEA" ARTICHOKE
初头以为系炸洋葱，见到系一瓣一瓣。炸到好脆又薄哋，但食落味道又唔似。
睇睇menu原来系雅枝竹，第一次食，几得意，又唔会好油。
中间有芝士酱，夹埋一齐食。
BIGNÉ AL FOIE GRAS
系鹅肝酱puff，好正😍
原本担心会好腻或者好膻，但系佢份量比较少，系一口，一啲滞嘅感觉都无。
亦食唔到有膻味，好好味🤤
HERBS MARINATED SALMON
三文鱼上面有sour cream同两片薄脆。
其他前菜太抢镜，所以哩款前菜唔系特别惊艳。
主菜
LASAGNE DI BOLOGNA
嚟到主菜部份，我哋拣咗千层面。
千层面上面撒满芝士，好香。
边位焗到脆脆，每层馅料好多。
千层面调味平衡，唔太酸，唔太咸，岩岩好。
面亦唔会俾啲蕃茄汁浸到淋哂，仍然保持到个口感。
CHEESE WHEEL AL TARTUFO
第二个主菜，就系最期待嘅黑松露忌廉芝士意粉🥹🥹🥹
职员会拎一个大芝士嚟，将热辣辣嘅意粉放入去，利用意粉嘅温度整溶啲芝士，每一粒意粉都沾到满满嘅芝士😋
放上碟之后，职员会喺客人面前撒芝士碎同黑松露，直至客人叫停为止🧀🧀🧀
意粉系手工意粉，好弹牙。
个忌廉酱睇落好creamy，但系食落唔系好腻，成个意粉充满芝士，都唔会觉得好滞。
一定要试哩个意粉，推荐💯
甜品
CHOCOLATE FONDUE PER TUTTI
用朱古力火锅做甜品收尾真系好开心😍😍
火锅旁边有水果、曲奇、棉花糖、蛋白糖。
朱古力酱唔系太甜。
水果系士多啤梨同蓝莓。曲奇同棉花糖都系朱古力酱绝配。
反而蛋白糖就咁食比较好味。
成个用餐体验都好好，职员好有礼貌。
食到一半，我哋去小朋友区玩，职员趁我哋玩紧嘅时候，帮我哋清理一下混乱嘅枱面😝
见我哋玩完返嚟，就帮我哋叫厨房准备上主菜。
食物份量偏大，最后都食唔哂。
味道调味到位，唔会好浓味，又唔会好咸。
小朋友区当日有人扭波波同人体彩绘，职员见我哋食到差唔多，提我哋去拎番一个气球先走。
餐厅都几多人，好多家庭客人，甚至几个家庭一齐嘅饭聚都有。
所以记得要订位。
推荐大家试下❤️
张贴
