八八嫩豆腐鍋

营业中

休息中

今日朋友带我黎呢间韩国餐厅，佢话呢度出名豆腐锅，因为我好钟意食韩国菜，所以一定要去试吓，未点菜已经有小食，分别有韩国炒粉丝，辣炒年糕，鱼干同泡菜，每款都好好味。我地嘅combo set真系好抵，有主食，汤同饭，我地叫咗小章鱼五花肉套餐，可以选择海鲜嫩豆腐锅，再加拉面，劲满足。小章鱼五花肉炒得好惹味，唔算太辣，佢地嘅饭都好正，系铁锅饭，热辣辣，饭粒烟烟韧韧，个海鲜汤材料都好丰富，有蟹，蚬，鱿鱼，豆腐，加埋只蛋落去，劲鲜味好正，豆腐都好有豆味，好嫩滑。海鲜泡菜煎饼煎得非常香脆，d虾好大只，爽口弹牙，鱿鱼好新鲜，加埋泡菜酸酸辣辣，好正。我地再叫多个小食，煎饺煎得好脆，入面涵料都几足料，几juicy,好味。