泰金香泰菜

营业中

休息中

见有间新开嘅泰国嘢，即刻去咗试。一入到去，原来舖头十分之细，坐低咗揽埋自己个袋都真系好迫，同埋同隔离枱坐得好埋。而且咁细间铺，得一个泰国哥哥仔睇舖，但佢都完全无留意客人嘅需要，例如要menu或者准备落单等等，全程就系望住部手机，唔知佢系咪因为新做所以咁啦。个冬荫功十分之辣，而且都煲得够耐，个调味都好啱，酸酸甜甜咁，但如果食唔到辣就最好唔好嗌喇。之后个通菜炒得都算香，连埋佢啲汁亦都系甜甜地，菜都算靓同新鲜。个泰式炒饭就真系麻麻地，唔够镬气，亦都唔够调味，不过佢炒得够干身，所以食落口唔会成口油。最后其实已经好饱，但为食叫咗个芒果糯米饭，好可惜佢唔系传统嘅红白米，不过都唔紧要，但佢啲揶浆真系唔够味，好淡，同埋个芒果一啲都唔新鲜，可能因为唔系当做季节，但依个甜品真系大为失望呢。