巢私厨川菜 (裝修中)

太耐无黎食饭喇，工作忙到一个点！上年就好流行鸡煲，今年好似流行食川菜辣野，我近年都开始钟意食辣野，见开多左好多呢类型既餐厅，但就唔系间间真功夫。今日就去食一间我觉得几实力派既川菜：巢私厨川菜馆。佢地既餐牌好靓，不过就无影喇因为太大本。呢度最出名系食小龙虾，不过我海鲜敏感，所以只可以叫其他野食啦。首先叫左个陈醋菠菜。佢地菜式都好讲究卖相，搞到我唔搞夹散佢！食落酸酸地，超开胃，谂起都流口水。跟住啲主菜开始黎喇，首先系水煮牛肉，超多辣椒系面，中辣黎讲我觉得岩岩好，最重点系够麻！明明唔系好辣，但愈食愈大汗，呢个感觉好正！牛肉好滑口，够淋够入味，入面仲有生菜、金菇等呢类会索辣既野，加多碗白饭捞汁，包你食到停唔到口。跟住到两江藤椒腰花。猪腰够爽口，啲汁又系无得顶。跟住呢个巢辣子鸡又系好惹味，鸡外脆内滑，亦都够入味，加埋啲类似蛋散既脆口野，送啤酒个下简直系无得顶！食到最尾送生果，一人一件，我觉得唔hea，bite size又够新鲜。价钱方面两个人食左七百几蚊，服务质素好好，会建议菜式，亦不时帮你加茶倒啤酒，环境非常阔落，所以系物超所值。