御八築地 (已結業)

今晚黎左呢度食饭，数数手指，都有有两年无黎过啦。可能时间尚早，唔使等位就入到去啦，实在太好。三文鱼刺身好新鲜，呢先系三文鱼呀，好耐无食过。三文鱼寿司呢个都唔错，三文鱼好肥美。不过寿司饭就暖既，唔系太好。一品牛都唔错既，牛都好有味，不过都系以前好食。火龙卷次次黎都会食既，旧虾新鲜炸起。配寿司真系一绝，好难揾到有间好食过佢既。豚肉石锅饭呢个唔多得，因为个石锅唔够热。此外，个饭太多汁，搞到个饭无乜饭焦，呢个好失望。帆立贝芝士烧只系得两只，但帆立贝好好味。又多芝士，够哂足料。实有下次既，因为物超所值同食物质素唔错架。要弹既系，坐得无咁舒服。