影片
更多
2011-10-03
3597 浏览
是日我地一行四人去试下le间宠物cafe, 其他人我就唔知, 但系我就好钟意狗, 知道佢地最出名既系雪橇, 有咩食都唔理去左先讲啦!望住个地图, 好似好远bo, 其中一个人望到就话: "哦! 咪XXX隔离啰", 唔记得佢讲咩, 只系记得佢带我地行左三四个字就到, 但系回行都唔认得lu...其实只要由地铁站沿住大路一直行, 过左火车站条天桥再行前D, 见到油站转入去, 行一阵就见到座大厦, 地点系远左少少, 不过去完你会觉得值得既 !!一去到楼下, 又一个问题...点入去呢? 好彩见到一排门钟其中一个制隔离就有个cafe 既logo, haha~~又过一关!上一楼, 到门口, 一开门就见到一只好大既雪橇迎宾, 当时只系识得系咁望, 都唔记得影相.入面地方好大, 又冇狗味, 都岩开party, 只要参加者都唔怕狗就OK架啦!食物方面, 我地四个一人叫左一个主菜, 一杯饮品, 后加一个小食, 四个主菜share 食, 由于星期五六日晚都冇set , 所以散叫~味道真系几好, 两个既蛋汁意粉比估计既好, 味道浓郁, 白汁长通粉既汁都系, 唔似其他cafe咁又稀又冇味! 而且都几大碟, 食得好
望住个地图, 好似好远bo, 其中一个人望到就话: "哦! 咪XXX隔离啰", 唔记得佢讲咩, 只系记得佢带我地行左三四个字就到, 但系回行都唔认得lu...
其实只要由地铁站沿住大路一直行, 过左火车站条天桥再行前D, 见到油站转入去, 行一阵就见到座大厦, 地点系远左少少, 不过去完你会觉得值得既 !!
一去到楼下, 又一个问题...点入去呢? 好彩见到一排门钟其中一个制隔离就有个cafe 既logo, haha~~又过一关!
上一楼, 到门口, 一开门就见到一只好大既雪橇迎宾, 当时只系识得系咁望, 都唔记得影相.
入面地方好大, 又冇狗味, 都岩开party, 只要参加者都唔怕狗就OK架啦!
食物方面, 我地四个一人叫左一个主菜, 一杯饮品, 后加一个小食, 四个主菜share 食, 由于星期五六日晚都冇set , 所以散叫~
味道真系几好, 两个既蛋汁意粉比估计既好, 味道浓郁, 白汁长通粉既汁都系, 唔似其他cafe咁又稀又冇味! 而且都几大碟, 食得好满足! 最后个碟小食系炸薯角....好多, 差D食唔晒, 不过炸得好香口, 好好食!!
另外四杯饮品就一般, 其中两个朋友叫左柠乐...你话可以有咩特别? 我就叫左苹果梳打, 甜甜地, 唔错既, 错就错左冰多左D, 饮到最后淡晒
价钱系比其他cafe 贵D, 但系食物质素高, 唔 "高" 都 "中高", 贵廿蚊都冇所谓啦~
最后当然要提下在场既PR啦~! 今日去, 冇见到贵妇狗臭臭, 但系多左只细种牧狗"芝士"~~
之后就系雪橇囡囡shabi~
再之后就系雪橇妈妈莎莎同爸爸呀B~
爸爸有出黎行过, 但系佢对眼都睇唔到, 见到佢闻下闻下咁, 都有D心酸...总而言之~! 今次去 ondogdog 系一次好好既经历, 爱狗人士试下一次唔带自己只狗, 去玩人地D狗啦~!
张贴
