花丸 (已結業)

话说前排要庆祝周年，想食特别啲，唔想食放题打边炉，就揾到呢间自制小丸子同御好烧，估唔到有惊喜😍 御好烧好足料，仲有只蛋打佐落去。根据佢个 instruction，只要将碗入面既材料捞匀之后倒落个铁板就可以。最挑战系反转个御好烧个下，一唔小心就会整到散晒。佢个味道调得唔错，唔会好似食紧粉浆咁。 自制小丸子仲正😍 有原粒章鱼同好多蟹子。本身以为好难整，但点知自己整都可以整到外脆内软😆另外呢杯巨峰可尔必思都好值得叫，酸酸甜甜咁，唔会好药水味。