磅太太 (已結業)

朋友收工约左我去上环食饭加饮野，问佢去边又神神秘秘唔讲我知，净系话跟住佢行，去到磅巷一间应该系配锁钥既店，见佢系墙上咁多把锁之中，揾左个按左下就开左门，出现左个通道，竟然系一间餐厅？里面装修都好令，仲要系我最中意既粉红色！！日式烧馒鱼，洒上紫菜碎同咸蛋黄碎，鱼皮烧到劲香脆，十分惹味！Yuba Bolognese 系素肉炒日式腐皮，望落似意粉咁，食落几特别，岩哂怕肥既女士！laksa Prawn Dumpling ,即系云吞叻沙，配上蒜蓉包，呢个配搭几新潮，哈哈！云吞足料，虾肉弹牙，叻沙汤底浓郁入味，我将蒜蓉包沾点叻沙，出奇地好match ,好味！甜品系咸蛋鸡蛋仔，用上西式方式黎摆去盘，咸蛋黄既味同甜甜既雪糕令口感更有层次！呢度环景同食物都令我好有惊喜，好岩约下女仔黎，下次会再黎饮下杯 in the mood, 调得好饮，清清地好开胃！