永記潮州粉麵

营业中

休息中

永记系我响上环工作独个儿午餐既热点，唔好饭既我，隔三、两天就去一趟，大热天时10分钟行程，背脊都可以湿透。今日无食中午饭，3点多黎到永记，期待食到美味既汤粉。无想像到呢个时候店里都坐满咁多客人。立刻叫至爱既黑百叶拼鱼饺米，再配清汤菜，点知黑百叶同菜都已经沽清，有点失望！唯有退而求次，第二最爱猪润代替栢叶啦。可能就系喜欢永记新鲜既材料，所以今次食唔到自己既至爱，下次都系早d去！无问过永记既历史，但相信无30年都有20年，因为经常都有相熟朋友到店内同潮州老板顷计，相信大家都系老街坊。而永记亦都系家庭式经营，自我帮衬当年，潮州老板仲响厨房当厨，但其后可能年纪大喇，只当收银，厨房就由仔女轮流担任，以于妈妈一般都当楼面。永记所处地区、环境、经营手法绝对富有老香港既特色。 猪润鱼饺米：汤唔系一般清汤，味道鲜甜，再加上大量既唐芹，香味四溢，一试便知龙与鳯。猪润切得细细块，酌得刚熟兼嫩滑，平时怕食又硬又嚡既猪润，但永记就食得好安心！用鱼露加辣椒油点猪什，会更加正！永记唯一要改善既地方，相信系店内既冷气系统，夏天会食到香汗淋漓。