祥仔辣辣 (海運大廈) (已結業)

好正嘅海景餐厅，位置好优越，气氛好舒服！佢哋新推出嘅烤鱼真系几好味，我哋拣咗海鲈鱼，配金波罗酸辣味同魔鬼地狱味！金波罗酸辣味用咗菲律宾菠萝同自制金汤，味道好独特清新，酸辣解辣。而魔鬼地狱就用咗三款辣椒，所以辣味好重，好适合辣味控！我哋仲拣咗三国演义 - 墨鱼三色滑（半份），有南瓜味、波菜味同原味三款口味，口感好爽口有弹性，好好味！雪花肥牛卷都系好出色嘅美食。配菜叫左咕噜咕噜元气九宫格，有九种唔同嘅嘢食，全部都几好味，摆盘仲用干冰整，好神秘好有气氛！特色饮品都好好味，而且可以有成1.3 kg可以饮到好爽，叫左自柑堕乐同菠萝Me，味道好轻盈清新，好舒服！啲特色饮品唔止味道好，仲系份量十足！甜品叫左咕噜咕噜围炉肆甜，有桂花冰粉同水果，好凉爽！而且都系有干冰，所以仙气十足。