EL Dining (已結業)

一入到泥，就被成个环境气氛吸引，好有情调～ 又有靓景睇～而且待应好健谈，又好主动，服务很好。吃了一点法饱后就来了前菜～水牛芝士沙律： 水牛芝士本身同蕃茄就是绝配，清清的水牛芝士同新鲜既大蕃茄夹埋一齐系二重既juicy! 火箭菜也好新鲜，最上的是干身而脆卜卜的芝士脆片，令成个晚餐有个good start! 南瓜汤：好鲜味，而且料也很足，南瓜味重，仲有D蟹肉，成个汤好香滑同鲜甜，另外加了点cracker，令口感更rich。香煎鹅肝多士：鹅肝都几厚的，煎得好香，细细块再配埋个酸酸甜甜既苹果酱完全唔会腻！多士烤到好香脆，夹埋入口即溶既鹅肝真系冇得弹！慢炖牛颊肉：第一次食牛颊肉，口感系一个新世界。首先，牛既味道一点都不骚，而肉质系好嫩滑的！！！牛肉同牛筋既分布好平均，入口即化，仲有少少黏黏的胶质感。加上配菜系好香奶味既滑薯蓉，整道菜系好滑既组合。焦糖炖蛋：连甜品也好有质素的。焦糖脆，炖蛋滑而且好香好香云呢拿味！系好好食既焦糖炖蛋。