華豐藥業保健藥療營養湯 (已結業)

唔讲都唔知原来呢度开左咁耐，仲系零六年已有食评，而最近有班不停留负面commet嘅人，真系匪夷所思。由于会员限定，所以系靠友人先订到位。上到黎，好有住家feel㖞，好快就安排入坐。点左几款小菜同主打嘅保健靓汤。豆豉鸡，望落好油，食落都系，麻麻。芋头排骨，卖相一般，芋头好淋好滆，又系麻麻。豉汁蒸鳝，汁几浓，几好味。西兰花炒带子，炒得够镬气，味唔错。蒜容菜心，呢个真系好住家feel，无特别。主打嘅汤水要左花胶汤同龟苓汤，汤比较稀同淡，饮得出无味精但都系好一般啰。整体感觉麻麻，一般嘅味道，一般嘅服务，除非你好爱呢啲住家嘅感觉啰，但我家煮嘅𩠌无咁油㖞。