影片
更多
2020-05-14
639 浏览
呢日又喺西九Food Court揾嘢食，想食嘅餐厅无开或太多人，见到依间米线平平哋就试下啦😬。小店由一男一女(中年)经营，佢哋都几友善嘅，但成程不断赞美支付宝有几方便😅，不过我俾现金的...。除咗米线外，小店亦有卖客饭同炒粉面，但我都系想试下米线多啲🍜。招牌小窝米线连一款𩠌定价$29，汤底可拣酸辣、麻辣或清汤；每碗附有酸菜肉碎、韮菜同芽菜。有乜唔啱食同要几辣同老板讲就得👌。我要咗麻辣米线配🐮肥牛同🐔鸡肉，多一款𩠌加$5，有少部份系$6𩠌。凡惠顾满$31就送自制豆浆或蜂蜜菊花露一杯，叫多款𩠌就啱啱好！我叫咗少辣，所以老板都无落好重手，我接受得到的。𩠌料同米线量都几多，仲有两片生菜，但肥牛就比较肥😓。不过更加恐怖嘅系个汤底有愈食愈油嘅感觉，其实本身望落都比较杰身，奇奇怪怪，又好似落咗啲花生酱咁..。食多两啖，我顶唔顺，直头将汤同面分隔开，唔想继续油落去😳。总括嚟讲，一个字讲哂「油」，好彩佢杯菊花露都清清地、帮手解下。我唔知系咪因为麻辣汤底令到佢咁油，可能清汤都一样。定价系平啊，但老实讲应该唔会再帮褅🙈。
呢日又喺西九Food Court揾嘢食，想食嘅餐厅无开或太多人，见到依间米线平平哋就试下啦😬。
小店由一男一女(中年)经营，佢哋都几友善嘅，但成程不断赞美支付宝有几方便😅，不过我俾现金的...。
除咗米线外，小店亦有卖客饭同炒粉面，但我都系想试下米线多啲🍜。
招牌小窝米线连一款𩠌定价$29，汤底可拣酸辣、麻辣或清汤；每碗附有酸菜肉碎、韮菜同芽菜。有乜唔啱食同要几辣同老板讲就得👌。
我要咗麻辣米线配🐮肥牛同🐔鸡肉，多一款𩠌加$5，有少部份系$6𩠌。凡惠顾满$31就送自制豆浆或蜂蜜菊花露一杯，叫多款𩠌就啱啱好！
我叫咗少辣，所以老板都无落好重手，我接受得到的。𩠌料同米线量都几多，仲有两片生菜，但肥牛就比较肥😓。
不过更加恐怖嘅系个汤底有愈食愈油嘅感觉，其实本身望落都比较杰身，奇奇怪怪，又好似落咗啲花生酱咁..。食多两啖，我顶唔顺，直头将汤同面分隔开，唔想继续油落去😳。
总括嚟讲，一个字讲哂「油」，好彩佢杯菊花露都清清地、帮手解下。我唔知系咪因为麻辣汤底令到佢咁油，可能清汤都一样。定价系平啊，但老实讲应该唔会再帮褅🙈。
张贴
