影片
更多
2013-05-08
704 浏览
呢个差点被遗忘的食评终于'出炉', 皆因近来无记的'肥妈节目'间中又有德发的肥仔老板上镜, 呢期佢'红'呀o麻, 咁我咪周围揾番我之前影嘅相先写番个食评出嚟好向 Honey交待, 因为是晚系佢请客, 我仲争住影相话我要影埋张单方便记价钱写食评, 之后...之后就一直不了了之添, 系我'欠'佢一份食后报告的啊! Honey佢老友约佢出嚟饭聚, 咁佢呢个老友记我都识, 而且大家都系为食一族, Honey就叫埋我出嚟, 话我食量特多, 多我一个可以叫多几个𩠌㖞, 哈哈, 最开心系我啦... 我哋叫咗几个招牌嘢, 沙姜鸡系肥仔推介嘅, 真系好滑, 皮下脂肪唔太厚, 连皮放入口都好易接受, 不失为好吃推介之一. 蛏子皇又系招牌嘢, 唔好睇168一份'好似'略贵, 真系好新鲜啖啖肉, 三个人呢个份量直头系'豪食'唔驶客气嘅大碟头! 照咁计, 算抵食添! 墨鱼饼拼金砖豆腐呢就俾豆腐抢晒镜, 因为真系外皮炸得啱啱好, 唔太厚而一咬入口滑到呢...好正! 猪面青好弹, 个汁味道调得好亦'包'得刚刚好, 唔错! 反而本来无叫豉油皇炒面系饱饱哋都夹硬加嘅, 我哋都算几为食啰! 因为是缘系今晚
Honey佢老友约佢出嚟饭聚, 咁佢呢个老友记我都识, 而且大家都系为食一族, Honey就叫埋我出嚟, 话我食量特多, 多我一个可以叫多几个𩠌㖞, 哈哈, 最开心系我啦... 我哋叫咗几个招牌嘢, 沙姜鸡系肥仔推介嘅, 真系好滑, 皮下脂肪唔太厚, 连皮放入口都好易接受, 不失为好吃推介之一. 蛏子皇又系招牌嘢, 唔好睇168一份'好似'略贵, 真系好新鲜啖啖肉, 三个人呢个份量直头系'豪食'唔驶客气嘅大碟头! 照咁计, 算抵食添! 墨鱼饼拼金砖豆腐呢就俾豆腐抢晒镜, 因为真系外皮炸得啱啱好, 唔太厚而一咬入口滑到呢...好正! 猪面青好弹, 个汁味道调得好亦'包'得刚刚好, 唔错! 反而本来无叫豉油皇炒面系饱饱哋都夹硬加嘅, 我哋都算几为食啰! 因为是缘系今晚有幸坐响肥仔自己一家几口张枱隔离, 佢哋碟豉油皇炒面上枱好似香喷喷咁, 我哋问几钱, 38蚊唔贵咪当"隔离饭香"叫番碟啦! 系几香, 但同我Honey炒俾我食的比较仲差少少, 因为呢碟在我准则来看略为油腻咗少少, 但都好好镬气, ok, pass啦! 无计啦, 我Honey做的住家饭系啱我口味o架啦, 而且好镬气系必然的, 当然要打高分啲!
呢度食饭真系要留肚叫'甜品', openrice的食评无老点大家的, 因为点会谂到呢类铺头咁窄窄嘅'水吧'位, 做的几款甜品会好过某啲甜品店? 但系呢个系事实! 我哋今晚本来想试多几款, 但佢都卖晒或无出, 所以叫咗两客疏乎里, 好香, 入面唔系太厚, 好丰富, 亦唔会一阵风咁嘅~ 转个头缩到变一pat咁啰, 啖啖好滋味, 得呀! 椰丝奶冻都好滑好香, 亦不错!
话说今晚仲有奇遇所以我抢著话要由我写呢个食评, 因为食食吓仲见到我钟意的前'有线'主播, 现'无记'走过浮华大地主持阿Tony同班同事入嚟食饭, Tony真人好高, 不少于5呎10, 睇电视反而以为佢好细粒, 原来系错觉! 佢真人俾人感觉好舒服, 把声又好听...下删几十字了... 好彩今晚Honey叫埋我出嚟食饭, 等我有机会见到睇咗佢几年节目的主持人, 都系几开心的!
呢晚三人食咗600蚊, 无加一, 感觉抵食好多! 食得开心又几滋味, 不失为一个好友畅聚食好嘢嘅好选择, 系可以 Encore 的地方之一. GOOD!
张贴
