一豆花

营业中

休息中

豆腐花店黎讲，呢间都算多分店。佢其他几间分店我都食过，水准一致。我成日觉得豆腐花店好难做，因为豆腐花又唔卖得贵，卖既产品又单一。所以如果经过，自己都好想支持下呢间店。店内有多款豆腐花既口味，其实都系放唔同既料，沟黎沟去咁。我始终最钟意都系食薏米豆腐花，薏米有益，难得系同豆腐花好夹。呢度既豆腐花豆味唔可以话好浓郁，但滑度绝对系满分。配合住薏米咁食，更加有口感。店内得企位，系枱上摆住几枝姜汁同糖水，方便客人按自己口味落，不过其实原汁原味已经好正。如果想怀念一下从前食豆腐花既感觉，则可以落黄糖。店铺仲卖腐乳同豆浆，我未试过，钟意食既人不妨一试。