陳漢記 (已結業)

陈汉记系大埔好出名的街坊食店，今晚六点几黎到已经见到铺内坐左一大半人。当晚见到唔少人叫煲仔饭，但我地想食得清淡啲，所以只系叫左粥同肠粉。粥底系偏稀，食落都几绵，内脏的份量都多。另外仲落左好多姜丝同蒜头，可以辟味之余仲令碗粥更加香。黎到陈汉记一定要试下佢地最出名的玻璃肠粉，今次叫左猪润肠，好足料，猪润的份量多到撑爆左条肠。肠粉皮好薄好滑，点埋豉油确实系几好味。不过肠粉就偏细条，要叫多几碟先够😅下次有机会要试埋佢地的煲仔饭。