影片
更多
2017-02-28
182 浏览
以为上星期日天气唔好，点知又好天无落雨，即兴同男朋友去西环泳棚影伪文青照。影完坐叮叮去地铁站，却落错车，灰爆。又肚饿，又冻，好想打边炉，但得两条友，不如食一人锅！？此时，即刻揾伟大既OpenRice 帮手，揾到呢间系附近，飞扑咁去。间餐厅系电脑商场，可能系夜晚，好冷清。但当我地入到黎，店员好热情，又好温柔介绍佢地既火锅种类。我叫左$110（细）环球海鲜锅配南瓜汤底，系佢地自家制既汤底。一上，见到咁多配料，好丰富，啲海鲜好大只，完全系超乎想像，以为会揸流滩。一滚左当然饮下淡汤先啦，真系饮得出南瓜味，味道清甜，好养生既感觉。而海鲜中有虾、蚝、带子、青口，八爪鱼，蟹肉棒。每一样都好新鲜，无雪&霉味。仲有好多丸，每个都有馅，好好味。而男友点左个$98安格斯牛肉配佢地既蕃茄汤底，我偷饮左啖汤，好蕃茄，系真材实料！而佢既配料同我既一样，牛肉我都有食一块，味道几好，不过我都系钟意食海鲜多啲。最得我欢心既有两样，一样系个酱汁，因为其中一款系台湾既沙茶酱，自从系台湾食过之后，好挂住呢只酱，竟然俾我发现呢间有，令到我好开心，决定多啲嚟呢度打边炉。另一个系，个火锅配料下面有好多菜，而且火锅仲跟一个饭或者红薯
间餐厅系电脑商场，可能系夜晚，好冷清。但当我地入到黎，店员好热情，又好温柔介绍佢地既火锅种类。
我叫左$110（细）环球海鲜锅配南瓜汤底，系佢地自家制既汤底。
一上，见到咁多配料，好丰富，啲海鲜好大只，完全系超乎想像，以为会揸流滩。一滚左当然饮下淡汤先啦，真系饮得出南瓜味，味道清甜，好养生既感觉。而海鲜中有虾、蚝、带子、青口，八爪鱼，蟹肉棒。每一样都好新鲜，无雪&霉味。仲有好多丸，每个都有馅，好好味。
而男友点左个$98安格斯牛肉配佢地既蕃茄汤底，我偷饮左啖汤，好蕃茄，系真材实料！而佢既配料同我既一样，牛肉我都有食一块，味道几好，不过我都系钟意食海鲜多啲。最得我欢心既有两样，一样系个酱汁，因为其中一款系台湾既沙茶酱，自从系台湾食过之后，好挂住呢只酱，竟然俾我发现呢间有，令到我好开心，决定多啲嚟呢度打边炉。另一个系，个火锅配料下面有好多菜，而且火锅仲跟一个饭或者红薯粉！个锅女仔食唔晒，除非好肚饿，而男仔食完都叫好饱，呢间火锅实在超值！
张贴
