forte (已結業)

如心艾朗酒店既forte 有个任食主菜晚市套餐可以任叫牛扒，非常吸引。终于可以黎试吓晚市套餐内容非常丰富 有前菜沙律，面包，中汤或者西汤选择，另外刺身及冰镇海鲜，全部都好新鲜，种类又多，有三文鱼、吞拿鱼、甜虾，虾、长脚蟹、青口、鲍鱼、龙虾仔、螺仲有薯条，系可以任叫，分别有三款，试过哂最香口好味都系黄金薯条 因为系用咸蛋黄整😋重点黎啦～～就系任叫牛扒。五款牛扒都有试过，最好味同不断翻叫既系澳洲西冷牛扒同纽西兰牛柳。order五成熟，口感刚刚到位 另外每碟牛扒都会有伴菜，伴菜味道都很好 而且可以清减牛扒既油腻感，最后仲有生果拼盘作为完美完结。呢个任食主菜晚市套餐真系好抵食，净系前菜部分既份量都已经好足 加上任叫主菜牛扒 真系食到好饱好满足👍🏻👍🏻👍🏻员工服务态度同效率都好满意。疫情关系，每张枱上都体贴地准备消毒搓手液，令到享受晚餐都有份安心感。