新麻蒲 BBQ (波斯富街) (已結業)

今晚同朋友喺铜锣湾行街，行完之后揾地方医肚，上网一查原来附近有间食烧烤火锅嘅韩国餐厅都几出名，跟住我哋就去试一下。经店员介绍之后点左个火锅，火锅其实有两款，一个系海鲜锅，不个系牛肉杂菌锅。我哋系食肉兽，所以呢就拣咗个牛肉杂菌锅，等左一阵个锅上嚟啦！份量多到吓亲我哋，劲多蔬菜牛肉菇菌，再等一阵牛肉汤亦都奉上，店员小心翼翼倒入牛肉汤。静待一会，就食得啦～～牛肉汤味道浓郁配合各种嘅食材食超好味，汤底清甜可口，我都饮咗成碗汤！小食前菜都好好食，白萝卜、泡菜、大葱、大蒜、大豆芽、海带、沙律我哋另外嗌左个蚬肉伴饭，系有少少辣，但系几好食，蚬肉份量唔少，而且饭入边嘅酱料好惹味，整体好夹