段純貞牛肉麵 (如心廣場一期)

营业中

休息中

本人非常钟意去旅行，以前一有孖day off就会飞转台湾食碗牛肉面食返笼小笼包………但而家唔好话搭飞机周围去，就连夜晚坐低享受美食咁低既要求都做唔到，有见及此，两口子多左去周围揾啲好食既外卖自取…无意之间俾我地揾左间新开左无耐既台湾面铺头，重拾去台湾既感觉。我叫左个炖浓汤鸡面，当我一打开盖，不禁哗一声，大大只鸡上脾就在眼前我立即尝一尝汤头配以店长推介既手工面，再哗多一声，香醇浓口且没有肥腻口感，暖暖的一啖汤直达肚子，为依餐打响了头炮……我再试一试鸡肉，𠮶个口感就好似食海南鸡既感觉，鲜嫰有肉汁，食至师傅既功夫！系我食紧面既同时，我又俾眼前既叧一样野吸引………登登登…登，卤水并盘！！！依个并盘不比汤面逊色，卤蛋仲系糖心架，而牛展牛肚豆干卤得非常入味，食完一够要追食另一够…一个人绝对可以食哂，如果配埋啤酒，正！！大家应该会好出奇我点解会介绍凉拌青瓜，留意下…外卖自取既凉拌仲有摆盘，咁细微既事都做到，值得加分啦！！！ 小插曲：本来我谂住食招牌牛肉面架，但张外卖自取单最底有行细字：汤底含蚕豆食份。我问过店员，他二话不说飞奔入厨房查询，原来牛肉面汤底秘方有蚕豆的，我非常欣赏店员既反应，加分！